雖然唔係集集追，但溏心真係睇到人牙癢癢，劇情進入直路啦！大契大鮑都就死！
大契講真好有萬子良feel...金句係：『呢度係屋企，唔係法庭...！』語氣眼神都勁有張力！
得得地呢個角色好唔真實...家下呢個時代，仲邊有d性格老土又可愛嘅專一男人呀！
之不過，如果有個男人，用呢種方法去揹起頭家，其實幾令人心痛！
總括黎講有兩個角色我係好唔鍾意的，唔知你地有冇同感?!
第一就係楊怡：呢個女人真係好黑人憎喎！任性到離晒譜，唔緊要！咁大個人, 小小事就扯煙出走大叫大嚷..好幼稚囉！ (不過好有可能其實我最唔滿意嘅係佢個髮型...:p)
第二就係蒙嘉慧：佢真係傻架！空虛寂寞到咁嘅地步，連best friend嘅男朋友都染指，無錯！一個巴掌拍不響，之但係：『搵食行遠d呀！』
同埋，好唔鍾意經常性所有人一字排開喺鏡頭前面，連食飯嗰陣d "食送" 都係一字排開的！問你服未?！
之不過講crazy, 我都係number 1, 公事忙到咁！term paper又水浸眼眉，我仲喺度講溏心...
都係由得我吧啦......=.=""
3 comments:
溏心風暴正!! 晚晚9:30至10:30, 我地成家人就甘坐係sofa唔做其他野.
你留意到的野我都係, ：『呢度係屋企，唔係法庭, 我講既野唔需要任何証句』waa..殺哂~
得得地係好唔真, 但有個甘的男友一定係三生有幸~
我都鐘意鐘嘉欣, 好可愛@@
一字排開的飯, 我昨晚係甘唸點夾飯
唔知重有幾多集先完lei ?
wing
你今日好唔尋常, 做到傻左呀你...仲講埋溏心添，成個師奶仔甘．．．你究竟係唔係carol黎架...你變成甘...我有的嫌棄羅...wowhahahha
你夠膽嫌棄我?
我同你講雖然我呢排真係傻左
之但係我記金句好叻架！
你係咪想我同你講：
『so angry！』同
『殺人呀！』
Post a Comment